ကိုလိုနီခေတ်ရန်ကုန်တက္ကသိုလ်

ကိုလိုနီခေတ်ရန်ကုန်တက္ကသိုလ်

0

ကိုလိုနီခေတ်တစ်လျှောက်လုံးနဲ့ လွှတ်လပ်ရေးရပြီး ခေတ်ကာလတွေမှာ အာရှရဲ့အကောင်းဆုံး တက္ကသိုလ် တစ်ခုဖြစ်ခဲ့တဲ့ ရန်ကုန်တက္ကသိုလ်အကြောင်းကို နည်းနည်းလေ့လာကြည့်ရအောင်။ လူတော်လူကောင်းများစွာကို ရန်ကုန်တက္ကသိုလ်က မွေးထုတ်နိုင်ခဲ့တဲ့ ရန်ကုန်တက္ကသိုလ်ရဲ့အထွန်းတောက်ဆုံး၊ အတောက်ပဆုံးကာလတွေကိုပြောပါဆိုရင်တော့ လွှတ်လပ်ရေးမရခင်ခေတ်ကာလအချိန်ကို ပြောရမှာဖြစ်ပါတယ်။

ရန်ကုန်တက္ကသိုလ်ကို (၁၈၇၈) ခုနှစ်မှာ ဗြိတိသျှအစိုးရရဲ့စီမံချက်ဖြင့် ကာလတတ္တားလက်အောက်ခံကောလိပ်အဖြစ် စတင်တည်ထောင်ခဲ့ပြီး အင်္ဂလန်က အောက်စဖိုဒ့်နဲ့ ကိန်းဘရစ် ယူနီဗာစီတီတို့ရဲ့ တည်ဆောက်ပုံ စနစ်အတိုင်းတည်ဆောက်ခဲ့တာဖြစ်ပါတယ်။ (၁၉၀၄) မှာတော့ ရန်ကုန်တက္ကသိုလ်ဟု အမည်ပြောင်းလဲခေါ်ဝေါ်ခဲ့ပါတယ်။ သခင်များစွာရဲ့စတင်စုဝေးရာနေရာ ဖြစ်သည်နှင့်အညီ သခင်အောင်ဆန်းနဲ့ သခင်နုအပါအ၀င် လွှတ်လပ်ရေးခေါင်းဆောင်အချို့ဟာ ရန်ကုန်တက္ကသိုလ်မှာ ပညာသင်ကြားခဲ့ပါတယ်။

မြန်မာလူမှုခေတ်ပေါ် ဂီတ၊ စာပေ စတင်အရင်းခံရာနေရာလဲဖြစ်တဲ့ ရန်ကုန်တက္ကသိုလ်မှာ ကုလသမဂ္ဂ ရဲ့အထွေထွေအတွင်းရေးမှူးချုပ်ဖြစ်သော မဟာသရေစည်သူဦးသန့်ဟာလည်း ပညာနို့ရည်သောက်သုံးခဲ့တဲ့သူဖြစ်ပါတယ်။ ရန်ကုန်တက္ကသိုလ်ဟာ (၁၉၄၀) နဲ့ (၁၉၅၀) ခုနှစ်တွေမှာ အရှေ့တောင်အာရှရဲ့အကောင်းဆုံးကျောင်းဖြစ်ခဲ့ပြီး အာရှမှာလည်း ထိပ်တန်းနီးပါး စာရင်းဝင်ခဲ့ပါတယ်။ ထိုကြောင့် နိုင်ငံအချို့မှကျောင်းသားအချို့တောင် ရန်ကုန်တက္ကသိုလ်မှာ ပညာသင်ကြားခဲ့တာလည်းဖြစ်ပါတယ်။

(၁၉၆၂) ခုနှစ် ဆိုရှယ်လစ်လမ်းစဉ်ခေတ်မှာတော့ တက္ကသိုလ်အုပ်ချုပ်ပုံနည်းစနစ်အချို့ပြောင်းလဲခဲ့ပြီး သင်ကြားရေးဘာသာစကားကိုလည်း အင်္ဂလိပ်မှမြန်မာဘာသာသို့ပြောင်းလဲခဲ့ပါသည်။ ထို့ကြောင့်သင်ကြားရေးအဆင့်အတန်းဟာလည်း တဖြည်းဖြည်းနိမ့်ပါးလာတာ ဖြစ်ပါတယ်။ (၁၉၈၈) ခုနှစ်နာမည်ကျော် (၈ လေးလုံး) ကျောင်းသားအရေးအခင်းအပြီးမှာတော့ ရန်ကုန်တက္ကသိုလ်ကို ကာလအတော်အကြာအထိပိတ်ထားခဲ့ရပါတယ်။

မကြာသေးခင်နှစ်တုန်းက နိုင်ငံရေးတံခါးပေါက် လွှတ်လပ်စွာဖွင့်ခဲ့တဲ့ကာလတွေရောက်မှသာ ရန်ကုန်တက္ကသိုလ်ကို ပြန်လည်ဖွင့်လှစ်ခဲ့တာဖြစ်ပါတယ်။ ရန်ကုန်တက္ကသိုလ်ရှိ သစ်ပုတ်ပင်ကြီးဟာ ထိုခေတ်ထိုအခါက ကျောင်းသားလူငယ်တွေရဲ့ တိုင်းပြည်ချစ်စိတ်ကိုအပြည့်အ၀ဖော်ပြနေသယောင် ထီးထီးကြီးတည်ရှိနေဆဲပါ။ ဒါတင်မကဘဲ ရန်ကုန်တက္ကသိုလ်ဟာ မြန်မာစာရေးဆရာတို့ရဲ့ အနုပညာစွမ်းရည်တွေ၊ ကဗျာတွေနဲ့ဝတ္ထုတွေ ကြားမှာ အထွန်းတောက်ဆုံးလှပခဲ့ပါတယ်။

ခေတ်ကာလ ရာသီဥတုတွေ အမျိုးမျိုးပြောင်းလဲသွားခဲ့ပေမဲ့လည်း ရန်ကုန်တက္ကသိုလ်ရဲ့အလှအပ၊ ဂန္တ၀င်ဆန်ပုံတွေနဲ့ သမိုင်းကြောင်းတွေကတော့ ယနေ့တိုင် ထင်ကျန်နေဆဲပါ။

Leave a Reply